Дрекслмајер им честита на идните мехатроничари
Кавадарци, 05. јуни 2019 година - Дрекслмајер ја имаше честа да им честита и посака успех на првата генерација ученици кои следеа настава според пилот програмата на дуално стручно образование. Шеснаесет ученици од СОУ „Киро Спанџов-Брко“ во Кавадарци кои посетуваа практична настава во компанијата, добија сертификати за успешно завршена практична обука.
Седуммина од нив остануваат понатаму дел од нашата компанија и ги потпишаа своите први договори за вработување. Со тоа, овие млади и надежни кадри ќе продолжат и понатаму да ги развиваат своите професионални вештини во доменот на индустриската мехатроника.
Настанот на кој беа доделени сертификатите и потпишувањето на договорите за вработување, се одржа во компанијата Дрекслмајер. Присутните гости ги поздрави генералниот директор Лукас Мирингер, меѓу кои и г. Патрик Мартенс директор на Делегацијата на германското стопанство, како и директорот на СОУ „К.С. Брко“, Драги Ташев.
„Ми претставува огромна чест што денес ја имаме првата генерација ученици според моделот на дуално стручно образование. Драго ми е што почетокот на една успешна професионална приказна почнува токму во Дрекслмајер - компанија која го препознава потенцијалот кај младите и ги поддржува да успеат во своите прфесионални намери. Им честитам ним и на нивните најблиски и секако учењето не запира овде; Дрекслмајер и понатаму ќе вложува во стручните квалификации на нашите нововработени колеги“, истакна Лукас Мирингер.
„Среќен сум што бев дел од наставниот модел на дуално стручно образование. Овде добив големо искуство во повеќе области, научив што е одговорност и самодисциплина, но се стекнав и со професионални вештини кои ќе ги применувам понатаму во пракса. Се разбира, горд сум на мојот прв договор за вработување“ – рече Драги Костадиновски матурант во СОУ „Киро Спанџов-Брко“.
Дрекслмајер е една од водечките компании во земјава која го спроведува моделот на дуално стручно образование според германски модел и стандарди. Околу педесетина ученици од Средното стручно училиште во Кавадарци ги совладуваат вештините на индустриската мехатроника во најсовремено опремена работилница во фабриката. Како семејна компанија, DRÄXLMAIER Group придава особено значење на тоа, на сите вработени низ целиот свет да им понуди модерна работна средина со највисоки стандарди, како и бројни можности за обука.
Остануваме и понатаму доследни на нашата долгорочна стратегија во поддршката на младите луѓе и нивниот професионален развој.
Општи информации
за
DRÄXLMAIER Групацијата
Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 60 фабрики во преку 20 земји. Основана во 1958 година, со главно седиште во Германија, компанијата брои повеќе од 70.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.
Во 2023 година обртот на компанијата изнесуваше 5.6 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.