DRӒXLMAIER обезбеди нови постелнини за болницата во Куманово
Околу 130 нови комплетни постелнини кои ги обезбеди DRӒXLMAIER Македонија се распределени во различни медицински оддели во општата болница во Куманово. Со обновата на постелнината во вид на креветски чаршафи и навлаки за перници значително ќе се подобрат условите за престој на пациентите од една страна, а од друга страна ќе се зајакнат болничките капацитети.
„Како компанија која себе си се смета за дел од општеството во коешто делува, DRӒXLMAIER Македонија презема бројни активности за поддршка на јавните здравствени установи во насока на унапредување на јавното здравје. Со кумановската болница веќе имаме воспоставено одлична соработка и среќни сме што можеме да дадеме свој придонес за подобрување на условите во оваа здравствена установа која згрижува пациенти од целиот регион“, потенцираа од менаџментот на DRӒXLMAIER Македонија.
Изминатите неколку години покажаа дека грижата едни за други е и тоа како важна и дека е потребно сите заедно да делуваме во насока на јакнењето на здравствените капацитети и зачувувањето на јавното здравје.
„На иницијатива на DRӒXLMAIER Македонија добивме нова донација, овој пат во вид на комплетно нови постелнини. Драго ни е што во регионот на Куманово имаме вака општествено одговорни компании кои во своето работење ги вклучуваат и здравствените установи“, рече Снежана Захариева, директорка на ЈЗУ Општа болница Куманово.
DRӒXLMAIER Македонија за време на своето десет годишно постење во земјата преку бројни проекти и донации постојано придонесува за унапредување и развој на заедницата кадешто делува. Компанијата претходно обезбеди медицински апарати како и медицинска опрема за јавните здравствни установи не само во Куманово, туку и во Кавадарци, Неготино, Прилеп и Велес.
Општи информации
за
DRÄXLMAIER Групацијата
Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 60 фабрики во преку 20 земји. Основана во 1958 година, со главно седиште во Германија, компанијата брои повеќе од 70.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.
Во 2023 година обртот на компанијата изнесуваше 5.6 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.