Од практиканти до професионалци: DRÄXLMAIER додели сертификати за успешно завршена практична настава
Практикантите од четврта година кои посетуваа практична настава во DRÄXLMAIER во рамки на дуалното стручно образование според германски стандарди добија сертификати за Техничар по индустриска мехатроника и со тоа успешно ја завршија практична настава. Дел од нив својата професионална иднина ќе ја продолжат како дел од тимот на DRÄXLMAIER во Кавадарци, а еден дел своето образование ќе го продолжат на некој од техничките факултети.
„Особено сме горди на нашите практиканти и нивните достигнувања. Стекнатите сертификати се доказ за нивното посветено учење, мотивација, но и желбата за понатамошен професионален развој. Среќни сме да им посакаме добредојде на дел од нив во нашето големо DRÄXLMAIER семејство, а им посакуваме понатамошни достигнувања и на оние кои ќе го продолжат своето образование. Нивниот успех е и наш успех“, вели Томаш Мацура, Генерален менаџер на DRÄXLMAIER Македонија.
Практичната настава во DRÄXLMAIER се одвива во специјализираната училница во фабриката, а под менторство на специјализирани тренери и програма која во континуитет се унапредува и се прилагодува, така што на учениците им се овозможува да стекнат широки знаења од областа на мехатрониката.
„Ова практикантство за мене има непроценливо искуство. Воодушевен сум што ќе ја продолжам мојата кариера во DRÄXLMAIER и ќе придонесам заедно со моите колеги во земјата и ширум светот да ја обликуваме мобилноста на иднината“, рече Славчо Димитров, еден од практикантите што ќе се приклучат на тимот во Кавадарци. Александар Костов, кој одлучи да го продолжи своето образование на факултет вели дека е благодарен за можноста да учи и да напредува преку програмата за дуално образование според германски стандарди.
Меѓународната програма за практиканти е само уште еден начин на кој Групацијата DRÄXLMAIER придонесува за развојот на младите луѓе со висок потенцијал. Во текот на реализацијата на различни задачи тие учат да работат во интеркултурни тимови, да размислуваат за себе и да ги планираат своите кариери. Опсегот на задачи на кои работат промовира интердисциплинарно размислување, им помага да стекнат знаење и да изградат широка мрежа во рамките на компанијата.
На примопредавањето на сертификатите организирано од страна на компанијата присуствуваа раководителите на различни оддели во компанијата, директорот на СОУ „Киро Спанџов-Брко“ кое е партнерско училиште на DRÄXLMAIER во дуалното образование како и дел од гордите родители на практикантите.
Како семејна компанија DRÄXLMAIER вложува многу во образованието на младите луѓе, така што обезбедува квалификувана работна сила која е подготвена да одговори на најсовремените барања на пазарот на трудо
Општи информации
за
DRÄXLMAIER Групацијата
Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 60 фабрики во преку 20 земји. Основана во 1958 година, со главно седиште во Германија, компанијата брои околу 70.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.
Во 2024 година обртот на компанијата изнесуваше 5.5 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.