DRÄXLAMIER обезбеди детски креветчиња и душеци за градинката „Димче Мирчев“ од Велес

Дел од дечињата коишто еден дел од денот го поминуваат во градинката „Димче Мирчев“ во Велес ќе преспиваат на нови креветчиња обезбедени од DRÄXLAMIER. Креветчињата доаѓаат заедно со соодветни душеци и се прилагодени на возраста на дечињата, такашто ќе се обезбеди поддршка на развојот во раното детство преку удобност и грижа.

Квалитетниот сон е од суштинско значење за физичкиот раст, емоционалната регулација и когнитивниот развој на малите деца. Eргономските креветчиња им овозможуваат на децата безбедно да се одморат за време на нивното престојување во градинка, а тоа значи поголема благосостојба.

Томаш Мацура, Генерален менаџер на DRÄXLAMIER Македонија, ја нагласи важноста на инвестирањето во иднината: „Овој придонес го гледаме како инвестиција во благосостојбата на нашите најмлади граѓани. Со поддршка на градинката „Димче Мирчев“ во Велес, овозможуваме придонес за создавање цврста основа за грижа, удобност и можности за развој за децата во нашата заедница“.

Новите креветчиња ќе ја заменат застарената опрема и ќе го подобрат секојдневното искуство на дечињата на возраст од 2 до 6 години. 

„Оваа донација на иницијатива на DRÄXLAMIER ни значи многу. Новите креветчиња веќе се поставени во нашите простории, се користат и прават вистинска разлика во секојдневниот живот на нашите деца. Среќни сме што DRÄXLAMIER ги препозна потребите на нашата установа. Ова е еден е прекрасен пример како компаниите можат позитивно да влијаат врз развојот на заедница кадешто делуваат“, рече Наташа Јанушева, директорка на градинката.

Преку оваа донација DRÄXLAMIER покажува дека компанијата размислува и за идните генерации, унапредувајќи го нивниот секојдневен живот преку бројни од областа на образованието, спортот, културата како и социјални проекти.